A nosa relación coa gandeiría ten nomes propios...e autóctonos.

Apostamos pola recuperación de razas tradicionais.

O obxectivo é reintegrar as nosas razas rústicas e familiares na vida da nosa granxa.

Estamos comprometidas coas razas de GALIÑA DE MOS e PORCO CELTA.

A Gandeiría en SEITURA

PECHANDO CICLOS

Antiguamente a agricultura e a gandeiría camiñaban da man, pero hoxe perdeuse esa relación.

Apareceron grandes explotacións agrícolas ou ganadeiras. Nesta época a agricultura e a gandeiría camiñan separadas.

Na agricultura sustituense os procesos naturais de autorrexeneración e autofertilización da terra por productos químicos.

Na gandeiría os animais nacen, medran e reproducense separados da terra, estabulados en granxas industriais, nas que hai que achegarlles un alimento cultivado expresamente para eles.

En Seitura buscamos integrar a horta e a gandeiría. Queremos crear un espazo donde colleitemos de xeito ecolóxico pero tamén sostible a longo prazo mellorando o solo e a diversidade.

Para elo queremos integrar aos animais no noso sistema agrícola para que cumplan as funcións que noutrora tiñan como a fertilización do chan, o control de pragas, a eliminación dos restos de colleitas, o control das herbas, o laboreo...en definitiva, pechar os ciclos, mentras os polos e galiñas medran libres e sanos.

Ter animais require responsabilidades e atencións moi superiores ás das plantas, por iso debemos planificar ou deseñar as ubicacións,os sistemas de forraxe, a eliminación de residuos, etc. para que todo sexa o máis sustentable posible e non teñamos que investir tanta enerxía ou cartos extra, xa sexa en forma de traballo ou de alimento que veña exclusivamente de fora do noso sistema.

Porqué Galiña raza de Mos?

Na nosa avicultura optamos pola raza autóctona de galiña de Mos.

Esta é unha raza forte, adaptada ao noso clima e de crecemento lento.

Existen razas híbridas con crecementos mais rápidos e maior produción de ovos.

Nos optamos pola calidade e non pola cantidade e neste caso os ovos e a carne son dunha calidade excepcional.

Esto implica un xeito tradicional de crianza e coidados, recuperando o seu xeito natural de vida, respectando os hábitos propios da súa especie.

Galiñeiros

Os galiñeiros son un dos elementos máis importantes do noso proxecto polas relacións e beneficios que nos aportan.

Neste espazo obteremos ovos, carne, esterco e espazos de cultivo.

Temos varios patios ou parques, onde as galiñas están durante todo o día.

Aquí poden pasar 4/6 meses aproximadamente comendo o que hai, pastando.

Despois deste tempo os animais cambian de patio, é dicir, múdanse a outra parcela na que o solo está mais fresco e verde.

Deste xeito podemos dicir que hai patios de inverno e de verán.

Os de inverno teñen maior protección contra certos fenómenos atmosféricos: inclinación do chan para evitar inundacións e protección con malla de ocultación para mitigar os fortes ventos da zona.

Os patios de verán teñen árbores froiteiras; ainda pequenas; e terán parras ou emparrados de kiwis para darlles sombra.

O funcionamento é sinxelo: aínda que hai comida e auga no patio (sempre hai cereais e restos de horta), pretendemos que teñan acceso a pasto. Así pasan o día remexendo na terra na procura de bichiños e sementes, deixandoa remexida e libre de malezas.

Deste xeito os patios, cando as galiñas marchan, están prácticamente listos para convertirse en pequenas hortas, listos para que sementemos/plantemos neles pois a terra está mullida, desherbada e aboada.

Cando toca o seguinte cambio as galiñas comen os restos de colleita, os excedentes da horta, así como todas as herbas e insectos que poidan aparecer.

A terra descansa e rexenerarse ciclicamente.

Os polos de pasto

A cría dos polos é ao aire libre.

Dispoñemos de estructuras de 4 a 6m2 onde as aves viven dende moi cativas.

En cada unha destas estructuras hai 3 ou 4 poliños (as pitas estarán neste espazo ata os 4/5 meses momento no que pasarán áos galiñeiros). Os polos poden permanecer nestas estructuras ata os 6/8 meses).

Esta estructura móvese polas fincas diariamente, co fin de que sempre dispoñan de pasto fresco e, como no caso anterior, tamén limpan e abonan os bancais qque se van baleirando.

A maioría dos polos que atopamos no mercado deixaron de comer fresco. A naturaleza dos polos é a de rabuñar o chan, buscar insectos, minhocas e sementiñas; e comer herba... todo elo para ser felices e medrar. E así o entendemos en Seitura.

Poderiamos dicir que intentamos unha xestión holística como unha forma máis de rexenerar o chan, por unha banda proporcionándolle nutrintes á terra a través dos excrementos dos animais e por outra poñendo a súa disposición comida fresca (pasto)durante todo o ano.

As instalacións

Optamos por unhas pequenas casetas de madeira. Cada unha ten capacidade para 8 galiñas Dispoñen de 2 nidais en cada unha.

Decantámonos por elas por varios motivos:

É un sistema que non precisa estructuras nin cimientos de cemento ou formigón. Así, unha vez rematado o seu uso, non hai alteración no chan nin na vida da parcela, poidendo voltar a un uso exclusivamente agrícola sen problema.
As modificacións, amplicacións, arranxos e incluso a creación de novas pezas poden ser feitas por nós con madeiras mercadas ou reutilizadas. Os restos das mesmas son fácilmente reciclables ou poden ser incorporados a outras partes da horta.
A madeira é un excelente aillante térmico. Así no inverno retén a calor mellor que outros materiais pero no verán fai todo o contrario: non acumula a calor. Ao ter teitos baixos a propia calor dos animais axuda na regulación térmica dos mesmos.
Polo tanto, é un material ideal para acadar un certo confort térmico para as nosas pitas e polos. Únicamente proporcionámoslle unha man de aceite de linaza para alongar a súa vida útil protexendoas do excesivo desgaste do sol, chuvia e ventos.
O teito é impermeable e nos incorporamos reforzos para que soporte os fortes ventos da zona pero sempre de xeito que nos permita abrilo con comodidade para realizar as tarefas de limpeza e desinfección no interior.
As cabañas proporcionan tamén protección contra os depredadores pois pola noite a estructura queda totalmente pechada.
Os parques dispoñen de proteción contra as aves rapaces (cordas con brillo que fan que non se acheguen) e fora do perímetro pechado con maia, Chispa e Lupa, montan garda e rexeitan visitantes non desexados.

Os porcos celtas

A súa función é voltear o chan, comer as herbas e aboar. Ademáis, na súa alimentación, reciben un complemento de cereais e restos de cociña e horta.

Dispoñen dunha casa con auga e comida e dun cercado que movemos para que vaian rotando por toda a finca, limpando, pisando, aboando...

Galo de Mos

A súa cría é en total liberdade, en amplos espazos, onde está protexido e a gusto durante os seus oito meses de vida. A súa dieta é exclusivamente con produtos "caseiros", cereais ecoloxicos como o millo e o trigo, froita ademais, restos da horta...

Ten unha carne tenra e suculenta, cun baixo nivel de graxa, que dá un sabor intenso á mesa. Un ave de alta calidade que garante o éxito na cociña.

A incubación

O período de incubación é de 21 días, momento no que deberían nacer, aínda que nalgúns casos a eclosión do ovo pode demorarse incluso unha semana máis.

O ideal é que a galiña sexa quen eclosione os ovos para que poidan desenvolverse adecuadamente. Senón é posible hai que recurrir á tecnoloxía. No noso caso empregamos unha incubadora automática, o que significa que dispón de "volteo automático", control de temperatura e humidade adecuado ás diferentes perídos do ciclo de desarrolo.

Unha vez que nacen, proporcionarémoslles aloxamento coa temperatura adecuada, para o que adoita empregarse unha lámpada que lles dá calor e luz.

Os poliños deben ter sempre auga e comida á súa disposición. A dieta está baseada no millo, que primeiro debe ser en pó.

Raza Galiña de Mos

Moi valorada pola súa dureza, capacidade de adaptación a condicións extremas, ovos de gran calidade, carnes de exquisito sabor e baixas en graxa.

“La raza Gallina de Mos supone un cambio de cantidad por calidad” (Diego Rois).

Pularda

"Pularda" é un termo usado para definir unha galiña nova que aínda non puxo ovos e está destinada ao consumo pois delas obtéñense carnes moi valiosas.
En toda Europa, por iso, a pularda é considerada a "raíña da mesa ”.
Despois da recuperación da raza autóctona de galiña de Galicia, o Raza Mos ou Galiña de Mos, podemos ofrecer un produto de novo Sobresaliente, como o que criaron as nosas avoas para os consumidores máis esixentes.
As nosas pulardas de raza de Mos crianse con moito coidado e dedicación.
Dende moi novos teñen acceso a amplos espazos ao aire libre, onde corretean e picotean ao aire libre e reciben unha comida natural ata os cinco meses.
No último mes aliméntanse exclusivamente de cereais 100% ecoloxicos e non se lles impón ningún procedemento externo que supoña sufrimento innecesario.

Cría e Recría

Entre 2-4 semanas despois do nacemento, os pitos xa teñen plumas, polo que non precisan que os manteñamos nun ambiente tan quente. Xa poden sair ao patio se fai bo tempo.

Ás 8 semanas adquiren plumaxe para adultos.

Mos e a crianza artesanal

Que é a avicultura artesanal?

É un sistema de produción de aves de curral. Nela móvense un pequeno número de animais, que son criados con suficiente espazo para cada un deles e utilizando fundamentalmente os recursos da propia granxa. No noso caso ... excedentes da nosa horta ecolóxica, cereais ou berzas plantadas específicamente para elas, disporán de pasto, insectos e vermes que atopan nas súas exploracións...

As gaiolas non se usan en ningún caso, os animais teñen liberdade de movemento dende a mañá á noite.

Non empregamos luz artificialpara forzar a posta polo que os seus ritmos son os que marca a naturaleza.

Os polos e pitas teñen á súa disposición varias parcelas, e pequenos galiñeiros onde resgardarse do tempo.

As súas casiñas están pensadas para albergar un máximo de 8 animais co que melloramos a ratio esixida en avicultura ecolóxica. Ademais evitamos a masificación e reducimos o nivel de estres das nosas pitas e polos que disporán dun espazo tranquilo onde desenvolverse.

Tal e como facían as nosas avoas!!!

Estamos inscritas no Rexistro Oficial de Aves Artesanais co Código Rega ES150640057301.

Os ovos

"Estudos recentes indican que os ovos da Raza Galiña de Mos teñen importantes diferenzas fronte aos de galiñas industriais:

-A súa casca é de cor máis clara que as dos tipos de galiñas poñedoras industriais que podemos atopar no mercado.

-A súa xema é moito máis grande que as das poñedoras industriais. Na xema están moitas das propiedades nutritivas, polo que o valor nutricional é moito maior que o das poñedoras.

-Teñen unha graxa de alta calidade e saudable debido á alta proporción de ácidos graxos insaturados, de omega 6 e de omega 3.

-Os ovos da raza teñen menos auga no seu interior, especialmente na clara.

-Posúen un alto contido en proteína, que é dun alto valor biolóxico. Os aminoácidos esenciais son moi superiores aos das galiñas industriais.

-Gozan dun sabor e dun color intensos, coma os de antes."